Þann 29. ágúst 2024 afhenti Ástusjóður björgunarsveitinni Víkverja þrjár milljónir króna til kaupa á dokku og dróna. Dokkan gerir fjarstýringu dróna mögulega og þannig getur búnaðurinn staðsettur við Vík í Mýrdal nýst strax eftir útkall til að staðsetja fólk í hættu, til dæmis í Reynisfjöru.

Ástusjóður var stofnaður fyrir tíu árum til minningar um Ástu Stefánsdóttur sem lést af slysförum árið 2014. Styrkir sjóðsins hafa oftar en ekki verið til kaupa á drónum fyrir björgunarsveitir. Á stofnári sjóðsins voru drónar mikil nýjung við leit og björgun og hafa síðan sannað gildi sitt í vinnu björgunarsveitanna.

(30.08.2024)

Eftir samráð við Landsbjörgu ákvað stjórn Ástusjóðs að útvega dokku með dróna sem hægt er að fjarstýra af stað þegar á þarf að halda. Mjög gagnlegt er að hafa slíkan búnað þar sem mikið er að gera og kanna þarf aðstæður um leið og tilkynning um slys berst. Stjórn sjóðsins var bent á þörf Björgunarsveitarinnar Víkverja vegna aðstæðna við Reynisfjöru sem eru mjög erfiðar. „Þarna myndi dokka og dróninn nýtast strax eftir útkall til að staðfesta tilkynningu um hættu, staðsetja fólk í sjónum eða fólk í sjálfheldu í klettum við Reynisfjöru.”

Á hlaupastyrkur.is er hægt að heita á hlaupara og styrkja þannig sjóðinn fyrir þetta verkefni.

Minnum einnig á að unnt að styrkja sjóðinn með millifærslu á reikning sjóðsins nr 301-13-302339 (banki-hb-reikningsnr) og kennitalan er 630714-0440.

(10.08.2024)

Reykjavíkurmaraþonið (einnig styttri vegalengdir í boði) verður 24. ágúst 2024. Á hlaupastyrkur.is má sjá hvaða hlauparar hlaupa fyrir Ástusjóð og þarna er hægt að heita á hlaupara og styrkja þannig sjóðinn.

Minnum einnig á að ávallt er unnt að styrkja sjóðinn með millifærslu á reikning sjóðsins nr 301-13-302339 (banki-hb-reikningsnr) og kennitalan er 630714-0440.

(02.07.2024)

Reykjavíkurhlaupið verður 19. ágúst næstkomandi. Unnt er að styrkja Ástusjóð með því að heita á hlaupara sem hlaupa fyrir sjóðinn, sjá á hlaupastyrkur.is

Minnum á að ávallt er unnt að styrkja sjóðinn með millifærslu á reikning sjóðsins nr 301-13-302339 (banki-hb-reikningsnr) og kennitalan er 630714-0440

(23.07.2023)

Á tímum náttúruhamfara, líkt og þeim sem Seyðfirðingar hafa nú þurft að þola, hafa björgunarsveitirnar gengt lykilhlutverki við björgun og að tryggja öryggi. Mjög mæðir því nú á björgunarsveitinni Ísólfi á Seyðisfirði. Í ljósi þessarar stöðu hefur Ástusjóður nú styrkt björgunasveitina um 500.000 krónur.

(21.12.2020)

Hægt er að panta jólakort Ástusjóðs með því að senda tölvupóst á netfangið kort@astusjodur.is

Kortin eru saman 10 pakka með umslögum og verður þeim komið til áhugasamra með fljótasta mögulega hætti. Verð kortapakka er 2.300 kr. Framlag fyrir pöntuð kort óskast millifært á sjóðinn, reikningsnúmer hans er 301-13-302339 og kennitalan er 630714-0440

(14.12.2019)

Myndirnar á jólakortunum:

Ástusjóði hefur borist góð gjöf, – listaverk frá Valgarði Gunnarssyni myndlistarmanni. Þema myndarinnar er fyrsti kaffibollinn að morgni dags. Stærð myndarinnar er 29 x 38 cm, og með rammanum 44 x 52 cm. Hugmynd Valgarðs er að myndin verði seld og að hagnaðurinn renni í Ástusjóð. Verð 80 – 100 þús kr.

Áhugasamir hafi samband á netfangið kort@astusjodur.is Myndin er þegar seld. Takk innilega fyrir áhugann.

(14. 12.2019, uppfært 22.12.2019)

Fulltrúar Ástusjóðs afhentu í vikunni Flugbjörgunarsveitinni á Hellu nýjan dróna útbúinn hitamyndavél, leitarljósum og hátalara. Dróninn mun koma sveitinni að notum í sínum mikilvægu störfum.

Ástusjóður þakkar öllum sem studdu sjóðinn með því að heita á hlaupara í Reykjavíkurmaraþoninu í ágúst sl og þeim sem studdu og styðja sjóðinn með öðrum hætti. Sá stuðningur gerir þetta kleift.

(23.09.2019)

Ástusjóður styrkir nú kaup á nýjum dróna sem ætlaður er sérstaklega fyrir björgunarsveitir. Dróninn hefur myndavél og hitamyndavél, honum fylgir einnig ljóskastari, hátalari og neyðarblikkljós. Einnig er stór kostur að hægt er að pakka honum vel saman og geyma hann í bakpoka. Frá Flugbjörgunarsveitinni á Hellu: „Ég vil þakka ykkur sem standið á bak við Ástusjóð kærlega fyrir stuðninginn. Ég get sagt ykkur það að þeir styrkir (drónarnir) hafa nýst verulega vel í útköllum hingað til við leit að týndu fólki!”

Hlauparar eru farnir að skrá sig í árlega Reykjavíkurmarathonið sem verður 24. ágúst n.k. Sem kunnugt er nýta margir hlauparar tækifærið og hlaupa fyrir ákveðið málefni. Nú þegar hafa nokkrir hlauparar ákveðið að hlaupa fyrir Ástusjóð. Hægt er að heita á Ástusjóðshlauparana á hlaupastyrkur.is

Minnum á að einnig er ávallt unnt að styrkja sjóðinn með millifærslu á reikning sjóðsins nr 301-13-302339 (banki-hb-reikningsnr) og kennitalan er 630714-0440.

Dróni frá Ástusjóði nýttist nýverið til að finna þetta tjald, en þar voru tveir ferðamenn sem ekki fundu sjálfir leið til byggða.

(01.08.2019)

Ný Jólakort Ástusjóðs (2018) eru komin úr prentun. Þau eru seld í Bóksölu Stúdenta á Háskólatorgi. Verð á 10 pakka korta með umslögum er 1.990 kr.

Einnig er hægt að panta kort með því að senda tölvupóst á kort@astusjodur.is og taka fram hvert á að senda kortapakkann. Verð pakka með 10 kortum og umslögum er 2.300 krónur og er þá sendingarkostnaður innifalinn. Framlag fyrir pöntuð kort óskast millifært á sjóðinn, reikningsnúmer hans er 301-13-302339 og kennitalan er 630714-0440, blað með þessum upplýsingum mun fylgja kortasendingunni.

(11.12.2018)

Myndirnar á jólakortunum:

Jólakort

Jólakort

Jólakort